जोन अब्राहमको ‘तेहरान’को फर्स्ट लुक रिलिज, बक्स अफिसमा ‘पठान’लाई प्रतिस्पर्धा
रंग नेपाल
२०७९ असार २७ मा प्रकाशित
बलिउड अभिनेता जोन अब्राहम आफ्नो आगामी फिल्मका कारण चर्चामा छन् । हाल उनी फिल्म ‘एक भिलेन रिटर्न्स’ को प्रमोशनमा व्यस्त छन्, जसमा उनीसँगै अर्जुन कपुर, तारा सुतारिया र दिशा पटानी देखिनेछन् ।
योसँगै अब जोन अब्राहमले पनि आफ्नो अर्को फिल्मको तयारी सुरु गरेका छन् । जोन एक्शन थ्रिलर फिल्म तेहरानमा देखिनेछन्। उनले यो फिल्मको सुटिङ सुरु गरेसँगै अब यो फिल्मको जोनको फर्स्ट लुक पनि सार्वजनिक भएको छ ।
जोन अब्राहमको अर्को फिल्मको घोषणा गर्दै, म्याडक फिल्म्सले ट्विटरमा एक भिडियो साझा गरेको छ जसमा अभिनेताको लुक देखाइएको छ। यो केही सेकेन्डको भिडियोमा जोन निकै कडा एक्सप्रेशनमा देखिएका छन् र उनको लुक पनि कसैलाई डराउन पर्याप्त छ ।
जोनको फर्स्ट लुक सेयर गर्दै म्याडक फिल्म्सले ट्वीटरमा लेखे, ‘लाइट, क्यामेरा र थोरै एक्सनका साथ तेहरानमा सुटिङ सुरु हुन्छ।’ जोनले यो भिडियो इन्स्टाग्राममा पनि सेयर गरेका छन् जसलाई फ्यानहरुले निकै रुचाइरहेका छन् ।
सत्य घटनामा आधारित जोनको एक्शन थ्रिलर फिल्म तेहरानलाई अरुण गोपालनले निर्देशन गरेका हुन् र यसको छायांकन इरानमा हुनेछ । फिल्मलाई रितेश शाह र आशिष प्रकाश वर्माले लेखेका हुन् ।
यो फिल्म सन् २०२३ मा गणतन्त्र दिवसको अवसरमा रिलिज हुनेछ । एकपटक जोनले आफ्नो फिल्मको बारेमा कुरा गर्दै भनेका थिए कि उनी यो फिल्मको छायांकन इरानमा गर्न निकै उत्साहित छु र यो उत्कृष्ट फिल्म हुनेछ ।
जोन अब्राहमको वर्कफ्रन्टको कुरा गर्ने हो भने, अभिनेता पछिल्लो पटक बक्स अफिसमा फ्लप साबित भएको फिल्म ‘अटैक’ मा देखिएका थिए । तर, फिल्म ओटीटीमा आएको छ । जोन अब ‘एक भिलेन रिटर्न्स’ मा देखिनेछन्, जुन जुलाई २९ मा सिनेमाघरहरूमा रिलिज हुनेछ।
यसबाहेक उनी शाहरुख खानको फिल्म ‘पठान’ मा पनि महत्वपूर्ण भूमिकामा देखिनेछन् । फिल्ममा शाहरुख र जोनसँगै दीपिका पादुकोणको पनि अभिनय रहेको छ । फिल्म २५ जनवरी २०२३ मा रिलिज हुँदैछ। अर्थात् जोनको फिल्म ‘तेहरान’ र शाहरुखको ‘पठान’मा टकराव देखिनेछ ।
