छैटौं नेपाल अन्तर्राष्ट्रिय चलचित्र महोत्सव चैत २ बाट

काठमाडौं । छैटौं नेपाल अन्तर्राष्ट्रिय चलचित्र महोत्सव २०२३ (निफ) आउँदो चैत २ गतेबाट हुने भएको छ ।

आयोजक नेपाल चलचित्र तथा सांस्कृतिक प्रतिष्ठानले बुधबार काठमाडौंमा पत्रकार सम्मेलन गर्दै निफ महोत्सव चैत २ देखि ६ गतेसम्म काठमाडौंमा हुने जानकारी दिएको हो ।

महोत्सवमा ५५ देशका ५ सय बढि फिल्मबाट छनौट भएका ३५ देशका ९५ फिल्मबीच प्रतिष्पर्धा हुने निफ अध्यक्ष केपी पाठकले जानकारी दिए ।

उनले विगतमा झै महोत्सवमा राष्ट्रिय तथा अन्तराष्ट्रिय लामा छोटा चलचित्र, डकुमेन्ट्री तथा एनिमेटेड फिल्महरुको ७ विधामा १४ पुरस्कार प्रदान गरिने बताए ।

यसपटकबाट निफका प्रतिस्पर्धी चलचित्र सिनेमा हलहरुमा प्रदर्शन गरिने समेत बताइएको छ ।

पत्रकार सम्मेलनमा चलचित्र विकास बोर्डका अध्यक्ष भुवन केसीसहित कलाकारहरू गौरी मल्ल, सरिता गिरी, दीपाश्री निरौला, निर्मल शर्मा लगायतका कलाकार उपस्थित थिए ।

सम्बन्धित समाचार

एकैदिन तोलामा २७ सय घट्यो सुनको मूल्य

ग्रामीण चलचित्र महोत्सवमा दयाहाङ र दयाहाङ उत्कृष्ट

‘महाजात्रा’को प्रदर्शन पाँचौँ सातामा प्रवेश, कति कमायो ?

‘मनसरा’को ट्रेलर सार्वजनिक