अभिनेता शिव श्रेष्ठले ‘पोडकास्ट’ चलाउने
रंग नेपाल
२०७९ चैत १४ मा प्रकाशित
काठमाडौं । पछिल्लो समय गुमनाम जस्तै रहेका अभिनेता शिव श्रेष्ठ पोडकास्टमार्फत दर्शकमाझ आउने भएका छन् ।
उनले “शिवदाई” नामक पोडकास्ट सञ्चालन गर्ने भएका हुन् । उनले मंगलबार आफ्नै नामको च्यालनबाट एक प्रोमो सार्वजनिक गर्दै आफ्नो फिल्मी जिवनमा भोगेका अनकौं भोगाइलाई कार्यक्रममा प्रस्तुत गर्ने जानकारी दिएका छन् ।
नेपाली सिनेमा उद्योगमा करिब ४१ वर्ष बिताएका श्रेष्ठले आफ्नो सिनेमा यात्रामा जोडिएका कलाकार, रंगकर्मी तथा अन्य क्षेत्रका विशिष्ठ व्यक्तिहरुसँग कार्यक्रममा कुराकानी गर्नेछन् । विजनेस दर्शन मिडिया हाउस प्रालिको सहकार्यमा उनले कार्यक्रम सञ्चालन गर्ने तयारी गरेका हुन् ।
