सलमानको फिल्म ‘टाइगर ३’ मा शाहरुख अनुबन्धित
रंग नेपाल
२०८० वैशाख २१ मा प्रकाशित
एजेन्सी । भारतीय अभिनेता सलमान खानको फिल्म ‘टाइगर ३’ मा अभिनेता शाहरुख खान अनुबन्धित भएका छन् ।
‘पठान’को सफलतापछि शाहरुख चाँडै नै ‘टाइगर ३’ मा केमियो भूमिकामा देखिने भएका छन् । यसअघि फिल्म ‘पठान’ मा सलमानले १५ मिनेट लामो केमियो भुमिका निभाइ सकेका छन् । जसलाई दर्शकले अत्याधिक मन पराएका थिए । सलमानले ‘पठान’मा गरेको केमियो भूमिकाले फिल्म हिट भएको भन्दै सलमानलाई श्रेय पनि दिइएको थियो ।
यसपटक भने सलमान, कटरिना कैफ र इमरान हासमीको शीर्ष भूमिका रहने फिल्म ‘टाइगर ३’ मा शाहरुखले केमियो रोल गर्दैछन् ।
भारतीय सञ्चार माध्यमहरुका अनुसार शाहरुखले यही ८ मे देखि ‘टाइगर ३’ को छायांकन सुरु गर्नेछन् । यशराज फिल्म्को स्टुडियोमा हुने छायांकन करिब एक साता सुटिङ चल्ने बताइएको छ । मनिष शर्माको निर्देशन रहेको फिल्म ‘टाइगर ३’ यशराज फिल्म्सको स्पाइ युनिभर्सकामा नै निर्माण हुन लागेको हो ।
