शाहरूखको ‘जवान’ले ४ दिनमै कमायो ५ सय करोड
रंग नेपाल
२०८० भदौ २५ मा प्रकाशित
काठमाडौं । बलिउड अभिनेता शाहरुख खानको फिल्म ‘जवान’ले विश्व बक्स अफिसमा चार दिनमा नै ५ सय करोड भारु कमाइ गरेको छ ।
फिल्मले रिलिजको चौथो दिन विश्वभर १५६.८० करोड कमाइ गरेसँगै अहिलेसम्म कुल ५३१.२६ करोड भारु कमाइ गरेको हो ।
भारतीय बक्स अफिसमा भने फिल्मले आइतबार मात्र ८० करोड कमाइ गरेको थियो ।
जवानले रिलिजको पहिलो दिन विश्वभर १२५.०५ करोड, दोस्रो दिन १०९.२४ करोड र तेस्रो दिन १४०.१७ करोड कमाइ गरेको थियो ।
एटली कुमारले निर्देशन गरेको फिल्ममा शाहरूखसँगै नयनतारा, विजय सेतुपथी, दीपिका पादुकोणलगायत कलाकारको अभिनय छ । फिल्ममा गौरी खानको लगानी छ ।
