‘परदेशी २’को गीत ‘न भुल्नु ए साथी’ सार्वजनिक
रंग नेपाल
२०८० कार्तिक १६ मा प्रकाशित
काठमाडौं । सफलतापूर्वक प्रदर्शनरत फिल्म ‘परदेशी २’को गीत ‘न भुल्नु ए साथी’ सार्वजनिक भएको छ । सार्वजनिक गीतमा मनोज खड्का, प्रविण बेडवाल, शान्ति श्री परियार र दीपा स्वाङको स्वर, नारायण रायमाझीको संगीत तथा लाल गोपाल सुवेदी र नारायण रायमाझीको शब्द छ ।
गीतमा केकी अधिकारी, प्रकाश सपुत लगायत फिचर्ड छन् । गीतमा परिच्छेद सेनको कोरियोग्राफी छ । फिल्ममा प्रकाश सपुत, दिलीप रायमाझी, प्रशान्त तामाङ, केकी अधिकारी, वर्षा शिवाकोटी, नीर शाह, रमा थपलिया, सबिन बास्तोला र देवेन्द्र बब्लुलगायतका कलाकारको अभिनय छ ।
फिल्ममा अष्ट महर्जनको द्वन्द्व, रामजी लामिछाने र गोविन्द राईको कोरियोग्राफी, दीर्घ खड्काको सम्पादन, मानकृष्ण महर्जनको छायांकन, राजेन्द्र मोक्तानको कलर, रमेश बिजीको कथा र पटकथा छ । फिल्मका निर्माता नारायण रायमाझी र राजेश वंशल हुन् ।
