रणवीरको ‘एनिमल’ को कमाइले जवानलाई पनि उछिन्यो
रंग नेपाल
२०८० मंसिर १६ मा प्रकाशित
काठमाडौं । रणवीर कपूरको फिल्म ‘एनिमल’ रिलिज हुनुअघि नै निकै चर्चा थियो । रणवीरलाई पहिलो पटक विस्फोटक ग्याङ्स्टर अवतारमा देख्न पाउँदा फ्यानमा निकै उत्साह थियो ।
टिजर–ट्रेलरबाटै फिल्मको वातावरण तयार भइसकेको र सर्वसाधारण ‘एनिमल’का लागि तयार रहेको निश्चित भएको थियो । शुक्रबारबाट हलमा रिलिज भएको यो चलचित्रले पहिलो दिनदेखि नै हलमा धुम मच्चाउन थालेको छ ।
निर्देशक सन्दीप रेड्डी वांगाको ‘एनिमल’ ले रणबीर कपूरलाई यस्तो शैलीमा पर्दामा ल्याएको छ जुन अहिलेसम्म कुनै फिल्मले गर्न सकेको छैन । यो उत्साहका साथ जनताको मूड यति तयार थियो कि चलचित्रको अग्रिम बुकिङ सुरु हुनेबित्तिकै टिकटको बिक्री धमाधम हुन थाल्यो ।
फिल्मले अग्रिम बुकिङमार्फत ३४ करोडभन्दा बढी कमाएको थियो । ‘एनिमल’ले ठूलो ओपनिङ पाउने पक्का थियो तर फिल्मले सोचेभन्दा ठूलो ओपनिङ पाएको छ । ट्रेड रिपोर्टका अनुसार पहिलो दिन ‘एनिमल’ले ६० करोडभन्दा बढी कलेक्सन गरेको देखिन्छ ।
सक्निल्कका अनुसार ‘एनिमल’ ले पहिलो दिन करिब ६१ करोड रुपैयाँ कमाएको छ । हिन्दी संस्करणबाट मात्र फिल्मको कलेक्सन ५० करोडभन्दा बढी हुने अनुमान गरिएको छ । तेलुगु उद्योगमा डेब्यू गरेका निर्देशक सन्दीप रेड्डी वाङ्गाको फिल्मले घरेलु बजारबाट पनि फाइदा उठाएको छ र तेलुगु संस्करणले १० करोड भारुको दायरामा कलेक्सन गरेको छ । फाइनल कलेक्शन सार्वजनिक भएपछि तथ्यांकमा केही फरक हुन सक्छ तर फिल्मको ओपनिङ कलेक्शन भने झण्डै उही दायरामा रहनेछ ।
रणवीरको ‘एनिमल’ ले यो वर्षको दोस्रो ठूलो ओपनिङ दर्ता गरेको छ । यसले शाहरुख खानको ठूलो फिल्म ‘पठान’लाई पनि पछाडि छोडेको छ। शाहरुख खानको कमब्याक फिल्म ‘पठान’ ले पहिलो दिन ५७ करोड कमाएको थियो ।
भारतमा ‘एनिमल’ को कुल नेट कलेक्सन सजिलै यो भन्दा बढी हुन गइरहेको छ । यो रणवीरको करियरको सबैभन्दा ठूलो ओपनिङ कलेक्सन हो । यसअघि रणवीरको सबैभन्दा ठूलो ओपनिङ फिल्म ‘ब्रह्मास्त्र’ थियो, जसले पहिलो दिन ३६ करोड रुपैयाँ कमाएको थियो ।
