अमिर खानले भने, ‘म, शाहरूख र सलमानसँगै फिल्म खेल्न इच्छुक छौं तर राम्रो स्क्रिप्टको खोजीमा छौं’

मुम्बई । आमिर खानले हालै आफ्नो ५९ औं जन्मदिन मनाएका छन् । यस क्रममा उनले इन्स्टाग्राम लाइभ सेसन मार्फत फ्यानहरूसँग अन्तरक्रिया गरेका थिए । सोही क्रममा एक फ्यानले शाहरुख र सलमान खानसँग काम गर्ने विषयमा उनलाइ प्रश्न गरेका थिए । जसको जवाफमा आमिरले तीनै जना सँगै फिल्म गर्न तयार रहेको बताए ।

आमिरले भने कि तीनै जनाले यस विषयमा कुरा गरेका छन् । तीनैजनाले फ्यानका लागि सँगै फिल्म बनाउनुपर्छ भन्ने लाग्छ । यसबारे आमिरले थप भने, ‘मलाई पनि लाग्छ कि हामी तीनैजनाले फिल्ममा सँगै काम गर्नुपर्छ । म, सलमान र शाहरुखले हाम्रो करियरमा हामी तीनैजनाले पक्कै पनि सँगै फिल्म गर्ने प्रयास गर्नुपर्छ भन्ने कुरा गरेका छौं । यद्यपि अब के हुन्छ हेरौं। मलाई आशा छ कि जब हामीले राम्रो कथा पाउँछौं, हामी पक्कै पनि सँगै देख्नेछौं।’

उनले अगाडी भने, ‘मलाई लाग्छ हामी तीनैजना एक अर्कासँग काम गर्न निकै उत्सुक छौं। यो अब धेरै समय भएको छ, तर हामीलाई निश्चित रूपमा यसको लागि सही समय चाहिन्छ।’

आमिर, शाहरुख र सलमान ३० वर्षदेखि फिल्मको हिस्सा बनेका छन् । मुख्य भूमिका होइन तर सबैले एकअर्काको फिल्ममा क्यामियो गरेका छन् । यसै क्रममा आमिर र सलमानले फिल्म ‘अंदाज अपना अपना’ मा सँगै काम गरेका छन् । तर शाहरुख र आमिरले कुनै पनि फिल्ममा सँगै मुख्य भूमिका खेलेका छैनन् । शाहरुखले आमिरको फिल्म लाल सिंह चड्ढामा भने केमियो गरेका थिए ।

सम्बन्धित समाचार

सिडी विजय अघिकारीको ‘जीवनको रेल’ सार्वजनिक

विकु लामाको ‘सुनको सिक्री’ गीत सार्वजनिक

छिन्नलता गीत पुरस्कारको घोषणा

मनिषालाई ‘दिल तो पागल हे’को पछुतो