विकु लामाको ‘सुनको सिक्री’ गीत सार्वजनिक
रंग नेपाल
२०८१ वैशाख १४ मा प्रकाशित
काठमाडौं । साहित्यकार तथा गीतकार विकु लामाको ‘सुनको सिक्री’ गीतको म्युजिक भिडियो सार्वजनिक भएको छ ।
रघुजी फ्ल्म्सिको प्रस्तुती रहेको गीतको म्युजिक भिडियो बिहीबार साँझ ओएसआर डिजिटलको युट्युव च्यानलमार्फत सार्वजनिक भएको हो । गीतकार लामाको शब्द तथा निर्माण रहेको ‘सुनको सिक्री’ गीतमा चर्चित गायक सुरेश लामाको स्वर रहेको छ भने संगीत धनु ग्याङ्मीको रहेको छ ।
उत्तमप्रसाद अधिकारीको निर्देशनमा तयार भएको म्युजिक भिडियोमा तालिशा गुरुङ, नुप गुरुङ र सोनाक्षी महतको अभिनय हेर्न सकिन्छ ।
विगत लामो समयदेखि देशका विकट गाँउमा रहेका विद्यालयहरुमा पुस्तकालय स्थापना गर्ने अभियानमा लागिरहेका लामाका ‘मृत्यु बिर्सिनेहरु’ र ‘सपनाको ट्रान्जिटमा’ कविता संग्रह तथा ‘सोइनम’ यात्रा संग्रह प्रकाशित भइसकेका छन् ।
