‘धेरै कोशिस’ सार्वजनिक
रंग नेपाल
२०८१ जेठ २९ मा प्रकाशित
काठमाडौं । गायक भूपेश तिम्सिनाको पछिल्लो गीत ‘धेरै कोशिस’ सार्वजनिक भएको छ । भूपेशकै शब्द, संगीत र स्वर रहेको गीतको भिडिओ सार्वजनिक भएको हो ।
निशान घिमिरेको निर्देशन रहेको गीतको भिडिओमा स्मरिका ढकाल र सुरेश कोहलीलाई फिचरिङ गरिएको छ ।
उत्तम हुमागाईंको छायांकन रहेको भिडिओमा सञ्जय अधिकारीको सम्पादन छ । गीतको भिडिओमा आफूले माया गर्ने मान्छेप्रतिको समर्पण भाव व्यक्त गरिएको छ । गीतको अडिओ र भिडिओ दुवै सशक्त छ ।
गीतको भिडिओ भूपेशको अफिसियल युट्युब च्यानलमार्फत सार्वजनिक गरिएको हो । लामो समयदेखि अमेरिका बसोवास गर्दै आएका तिम्सिनाले धेरै नेपाली गीत गाएका छन् भने केही हिन्दी गीतमासमेत स्वर दिएका छन् ।
