किरण नेपाली ‘महादशा’ मार्फत निर्देशनमा डेब्यु गर्दै

काठमाडौं । निर्माता किरण नेपालीले निर्देशनमा डेब्यु गर्दै ‘महादशा’ नामक नेपाली फिल्म निर्माण हुने भएको छ । जमलको विश्वज्योती मलको राजा लाउन्जमा आयोजित कार्यक्रममा फिल्मको नाम घोषणा र प्रि-टिजर सार्वजनिक गरिएको हो ।

लेकाली इन्टरटेन्मेन्टले निर्माण गर्ने फिल्मको प्रिटिजर बुढासुब्बाको आधिकारिक युट्युब च्यानल मार्फत सार्वजनिक गरिएको छ । निर्देशक नेपाली यसअघि दर्जनौं फिल्ममा निर्माताको रूपमा संलग्न छन् ।

‘महादशा’को प्रि-टिजरमा मुख्य कलाकार प्रमोद अग्रहरि, प्रेमा लामगाढे र हाकिम गुरुङलाई परम्परागत वेशभूषामा प्रस्तुत गरिएको छ । निर्माण पक्षका अनुसार अन्य कलाकारबारे जानकारी पछि दिइनेछ ।

मनिष गौतमले लेखेको फिल्ममा राजेन्द्र के. शाह, श्याम मगर र अमला देवी राईले लगानी गरेका छन् । सुरज आचार्य कार्यकारी निर्माता रहेका छन् ।

फिल्मले संस्कार, संस्कृति, अध्यात्मसँगै समाजमा विद्यमान रहस्यमय घटनाक्रम तथा मानिसको जीवनमा ग्रह-नक्षत्र र कर्मको प्रभावलाई कथावस्तुमा समेट्ने निर्माण पक्षले जनाएको छ ।

प्राेडक्सन म्यानेजर अनिश अधिकारी र समर चाैलागाई रहेको फिल्मको प्रदर्शन मिति भने छायांकन पूरा भएपछि मात्र घोषणा गरिने भएकाे छ ।

सम्बन्धित समाचार

‘अभिमन्युः च्याप्टर–१’को ट्रेलर सार्वजनिक

आजदेखि प्रदर्शनमा आयो नाजिर हुसेनको ‘गुन्यु चोलोः द ड्रेस’

दोस्रो हप्तामा ‘जनै हराएको मान्छेः सम्बन्धका धागाहरू’

तराईबासीले चलचित्र ‘अभिमन्यु’लाई स्वागत गर्दै