सुनको मूल्य हालसम्मकै उच्च

काठमाडौं । नेपाली बजारमा आज सुनचाँदीको मूल्य बढेको छ । आइतबार सुन २ हजार ४ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार साताको पहिलो दिन आज छापावाल सुन तोलामा ३ लाख ३ हजार ८ सय रुपैयाँ पुगेको छ ।

गत शुक्रबार छापावाल सुन तोलाको ३ लाख १ हजार ४ सय रुपैयाँमा कारोबार भएको थियो । आइतबार कायम भएको मूल्य हालसम्मकै उच्च भएको महासंघले जनाएको छ ।

यसैगरी, आज चाँदीको मूल्य पनि बढेको छ । शुक्रबार प्रतितोला ६ हजार १९० रुपैयाँ कायम भएको चाँदी आज बढेर प्रतितोला ६ हजार ४८० रुपैयाँ कायम भएको छ ।

सम्बन्धित समाचार

सरोज पौडेलको ‘सिन्दुरे जात्रा’मा विजय र अञ्जना अनुबन्ध

धनुषाधाममा एक महिने मकर मेला सुरु

‘रोल नं. १’को पहिलो चरणको छायांकन सकियो

सन्नी लियोनीले गरिन् नेपालको प्रशंसा