कोरोना संक्रमणबाट थप एक जनाको मृत्यु

काठमाडौं । कोरोना भाइरसको संक्रमणबाट तीन महिनापछि थप एक जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा थप एक जना संक्रमितको मृत्यु भएको हो । यो सँगै कोरोनाका कारण मृत्यु हुनेको संख्या १२ हजार २१ जना पुगेको छ ।

नेपालमा पछिल्लो २४ घण्टामा थप १०६ जनामा कोरोना भाइरसको संक्रमण पुष्टि भएको छ । पीसीआर र एन्टिजेन विधिबाट दुई हजार ४३६ जनाको स्वाब परीक्षण गर्दा १०६ जनामा संक्रमण पुष्टि भएको हो ।

मन्त्रालयका अनुसार ४७६ जनाको पीसीआर परीक्षण गर्दा ७४ जना र एक हजार ९६० जनाको एन्टिजेन परीक्षण गर्दा ३२ जनामा संक्रमण पुष्टि भएको हो । अघिल्लो दिन १२४ जनामा संक्रमण पुष्टि भएको थियो ।

यस्तै, पछिल्लो २४ घण्टामा ४८ जना संक्रमित निको भएका छन् भने हाल देशभर सक्रिय संक्रमितको संख्या ४६९ जना छ । सक्रिय संक्रमितमध्ये २४ जना आइसोलेसन, १३ जना आईसीयू र ५ जना भेन्टिलेटरमा रहेको मन्त्रालयले जनाएको छ ।

सम्बन्धित समाचार

एकैदिन तोलामा २७ सय घट्यो सुनको मूल्य

ग्रामीण चलचित्र महोत्सवमा दयाहाङ र दयाहाङ उत्कृष्ट

‘महाजात्रा’को प्रदर्शन पाँचौँ सातामा प्रवेश, कति कमायो ?

‘मनसरा’को ट्रेलर सार्वजनिक