रणवीरले फिल्म निर्देशन गर्दै
रंग नेपाल
२०७९ असार २९ मा प्रकाशित
बलिउड अभिनेता रणवीर कपुरले आफ्नो आगामी फिल्म ‘शमशेरा’ को प्रमोशनका क्रममा केही कुरा खुलासा गरेका छन् । एक अन्तर्वार्तामा रणवीरले आफू फिल्म निर्देशन गर्ने इच्छा व्यक्त गरेका थिए ।
यसका लागि उनले लकडाउनमा कथा पनि लेखेका छन् । साथै, अभिनेताले यो फिल्म आलिया भट्टले निर्माण गर्न सक्ने बताएका छन् ।
रणवीरले भने,“मैले अनुराग बसुसँग जग्गा जासुस बनाएको थिएँ, मलाई कुनै अनुभव थिएन। मैले त्यो फिल्म एक अभिनेताको रूपमा बनाएको थिएँ। त्यसैले मैले अहिलेसम्म निर्माताको रूपमा काम गरेको छैन। तर हो, मलाई सधैं फिल्म निर्देशन गर्ने इच्छा थियो।“
रणवीर कपुर र आलिया भट्टले हालै सामाजिक सञ्जालमार्फत आफ्नो गर्भावस्थाको घोषणा गरेका छन् । यो जोडीले यही वर्ष १४ अप्रिलमा परिवार र साथीभाइबीच विवाह गरेका थिए । रणवीर र आलिया पहिलो पटक अयान मुखर्जीको फिल्म ‘ब्रह्मास्त्र’ मा सँगै देखिनेछन् ।
