ठाडो भाकामा ‘दरमखोला’

काठमाडौं । मौलिक ठाडो भाकामा आधारित लोकगीत ‘दरमखोला’ शुक्रबार सार्वजनिक भएको छ । गायक वसन्त थापा र गायिका देवी घर्तीमगरको स्वर रहेको उक्त गीत ‘वसन्त थापा’ युट्युब च्यानमार्फत डिजिटल बजारमा आएको हो ।

सार्वजनिक भएको केही घण्टामै गीतको ‘म्युजिक भिडियो’ले युट्युबमा ४० हजार बढी ‘भ्यूज’ पाएको छ । गीतको शब्द सर्जक प्रह्लाद सुवेदीले लेखेका हुन् । संगीत रचना गायक थापा आफैँले गरेका हुन् ।

ठेट शब्द, मनछुने भाका र स्वरका कारण गीतले दर्शक÷श्रोताबाट राम्रो प्रतिक्रिया पाइरहेको छ । ‘म्युजिक भिडियो’मा प्रयुक्त नाच र अभिनयले पनि गीतमा मौलिकता थपेको छ ।

ठाडो भाका गण्डक क्षेत्रमा प्रचलित मौलिक लोकभाका हो । पहिलेपहिले मेलापात र रोधीघरमा ठाडो भाका गुञ्जने गथ्र्यो । पछिल्लो समय ठाडो भाकाको मौलिकता हराउँदै जान थालेको छ । संगीतमा आधुनिकताको प्रभावले पुराना लोकभाका संकटमा परेका छन् ।

सम्बन्धित समाचार

कान्तिपुर सिनेमाजमा ‘भाउ’

रहेनन् भाइरल ‘भेलु बाजे’

डा. आयुष्नोभा मिस इन्टरकन्टिनेन्टल नेपाल घोषित

बझाङ प्रदेश सभामा एमालेका दमन भण्डारी विजयी