कुमार रेग्मीको ‘कता हिँडेकी’ बोलको गीत सार्वजनिक
रंग नेपाल
२०८० जेठ ३० मा प्रकाशित
काठमाडौं कलाकार तथा राष्ट्रसेवक कर्मचारी कुमार रेग्मीको ‘कता हिँडेकी’ बोलको गीत सार्वजनिक भएको छ ।
राष्ट्रसेवक कर्मचारी लेखा अधिकृत समेत रहेका कलाकार रेग्मीले कता हिँडेकी बोलको आधुनिक गीत सार्वजनिक गरेका हुन् । गीत जोसेफ शाही अफिसियल युट्युव च्यानलमार्फत सार्वजनिक गरिएको छ ।
गीतमा लय र शब्द रेग्मीकै रहेको छ भने गायक जोसेफ शाहीको स्वर रहेको छ । गीतमा मोडल मिस पवि, विनयकराज पोखरेल र कुमार रेग्मीले अभिनय गरेका छन । म्युजिक भिडियोको छायांकन गौरव गिरीले गरेका हुन् ।
बाल्यकालदेखि नै गीत संगीतप्रति रुची राख्ने रेग्मीका पछिल्लो समय एकपछि अर्को गर्दै नयाँ नयाँ गीतहरु सार्वजनिक भइरहेका छन् । हालै सार्वजनिक भएको कता हिडेकी बोलको नयाँ गीतमा मनपरेकी प्रेमिकालाई आफ्नो बनाउन अनेकौं भावना अभिव्यक्त गरेको कथा समावेश गरिएको छ । रेग्मीको पहिलो भाग्य एल्बम रहेको थियो ।
यसैगरी उनले दैलेख बजार, दुखारी मन, माया गर्दा, म एक्लैछु, कता हिडेकी लगायत करिब आधा दर्जन गीत सार्वजनिक गरिसकेका छन् ।
