सन्दीप एसिया कप खेल्न पाकिस्तान जाने

काठमाडौं । नेपाली राष्ट्रिय क्रिकेट टीमका पूर्व कप्तानसमेत रहेको क्रिकेटर सन्दीप लामिछाने एसिया कप खेल्न आइतबार पाकिस्तान जाने भएका छन् ।

सन्दीप बाहेकको बाँकी टीम भने मंगलबार नै पाकिस्तान गइसकेको छ । सन्दीपविरूद्वको बलात्कार मुज्ञाको पेसी आइतबारका लागि भएकाले उनी टीमसँगै जान नपाएका हुन् । तर, आइतबार मुद्दाको सुनुवाई हुने सम्भावना कम देखिएकाले उनलाई पाकिस्तान पठाउने तयारी भएको हो ।

मुद्दा सुनुवाई भएपनि फैसला आउने सम्भावना पनि न्यून रहेकाले उनलाई पाकिस्तान पठाउन लागिएको हो । सुनुवाइ भए पनि त्यसै दिन बहस सकिँदैन।

यसअघि पनि न्यायाधीशले एकै दिनमा सुनुवाइ नसकिने भएकाले हेर्दाहेर्दैमा नराखी हेर्न नभ्याइने जनाएका थिए ।

एसियाकपको उद्घाटन खेल भदौ १३ गते पाकिस्तान र नेपालबीच मुल्तान क्रिकेट स्टेडियममा हुनेछ । त्यसपछि भारतविरुद्ध खेल्न नेपाल श्रीलंका प्रस्थान गर्नेछ । भारत र नेपालबीचको खेल भदौ १८ गते हुनेछ । समूहका तीन टोलीमध्ये दुई टोली अन्तिम चारमा प्रवेश गर्नेछन् ।

सम्बन्धित समाचार

भेनिसमा प्रदर्शन हुँदै ‘पूजा, सर’

फिल्म ‘नम्बरी सुन’को ट्रेलर रिलिज

मदन पुरस्कारका लागि पाँच कृति छनौट

साउने सोमबारको व्रत किन बसिन्छ ?