परिच्छेदको निर्देशनमा ‘महाराजधिराज’ निर्माणको घोषणा

काठमाडौं । निर्देशक परिच्छेद सेनले नयाँ फिल्म निर्माणको घोषणा गरेका छन् ।

घटस्थापनाको अवसर पारेर आज नयाँ फिल्म ‘महाराजधिराज’ निर्माणको घोषणा गरिएको हो । परिच्छेदकै लेखन रहेको यो फिल्मका प्रस्तुतकर्ता विराज विष्ट छन् । विराजले यसअघि फिल्म ‘बुलाकी’ निर्माण गरेका थिए । यो फिल्मले चलचित्र विकास बोर्डले आयोजना गरेको ‘राष्ट्रिय चलचित्र पुरस्कार २०८०’मा विशेष फिल्मको अवार्ड समेत पाएको थियो ।

टोपेन्द्र विष्टको लगानीमा तयार हुने फिल्मले रोमान्टिक तथा सामाजिक कथा प्रस्तुत गर्ने निर्देशक सेनले जानकारी दिएका छन् ।

छत्रेश्वरी म्यानेजमेन्ट प्रालिको ब्यानरमा निर्माण हुने फिल्मको निर्माण घोषणासँगै प्रदर्शन मिति पनि तय गरिएको छ । फिल्मलाई वि.सं २०८१ सालको तिहारमा रिलिज गर्ने घोषणा निर्माणपक्षले जनाएको छ । फिल्मका लागि कलाकार भने तय गरिएको छैन् ।

सम्बन्धित समाचार

पारिश्रमिकमा असहमति हुँदा अनिलले छोडे ‘हाउसफुल ५’

लन्डन टु पेरिसको गीत ‘चाहान्छु यो माया’ सार्वजनिक

अनमोल र मलाई फर्की फर्कीले पर्खिरहेको रहेछ : जसिता गुरुङ

‘पूजार सार्की’को ‘जाऊँ माया’ सार्वजनिक