प्रभासको फिल्म ‘सालार’ ले कति कमायो ?
रंग नेपाल
२०८० पुष १३ मा प्रकाशित
मुम्बई । सुपरस्टार प्रभासको फिल्म ‘सालार’ ले बक्स अफिसमा राम्रो कमाई गरिरहेको छ । यो चलचित्रको कलेक्सन दिनप्रतिदिन बढ्दै गएको छ ।
प्रभासको फिल्मले देशमा मात्र नभई विदेशमा पनि धुम मच्चाइरहेको छ । यो चलचित्रको विश्वव्यापी कमाइबारे पछिल्लो तथ्याङ्क बाहिर आएको छ । जान्नुहोस्, फिल्मले एक सातामै कति करोडको व्यापार गरेको छ ?
सोसल मिडिया प्लेटफर्म एक्समा ‘सालार’ नामको अफिसियल पेज छ, जसमा फिल्मको हालसम्मको कुल कमाइको जानकारी दिइएको छ । यस अनुसार प्रभासको ‘सलार’ ५०० करोड क्लबमा प्रवेश गरेको छ । प्रभासको फिल्मले एक हप्ता भन्दा कम अर्थात् ६ दिनमा यो उपलब्धि हासिल गरेको हो ।
शाहरुख खानको फिल्म ‘डंकी’ रिलिज भएको दोस्रो दिन मात्रै २२ डिसेम्बरमा प्रभासको ‘सालार’ रिलिज भएको थियो । बक्स अफिसमा यो फिल्मले पहिलो दिन विश्वभर १७८.७ करोड कमाएर इतिहास रच्यो । योसँगै ‘सालार’ले शाहरुख खानको ‘जवान’ र ‘पठान’को ओपनिङ डे कलेक्सन रेकर्ड पनि तोडेको थियो । सन् २०२३ मा रिलिज भएको ‘पठान’ले पहिलो दिन १०६ करोड र ‘जवान’ले १२९.६ करोडको व्यापार गरेको थियो ।
केजीएफ च्याप्टर १ र केजीएफ च्याप्टर २ जस्ता ब्लकबस्टर फिल्म निर्देशन गर्ने चर्चित प्रशान्त नीलले निर्देशन गरेका हुन् ।
फिल्ममा प्रभासका अलावा पृथ्वीराज सुकुमारन, श्रुति हासन, ईश्वरी राव, श्रिया रेड्डी र टिनु आनन्द जस्ता कलाकारको पनि महत्त्वपूर्ण भूमिका रहेको छ । फिल्मको कथा दुई साथी वेधा र वर्धाको वरिपरि घुमेको छ, जो पछि दुश्मन बन्छन् । एजेन्सी
