नयाँ भर्सनमा ‘जाउँ साइँली बेनी बजार’

काठमाडौं । स्वर्गीय लोकगायक पदम विष्ट र गायिका लोचन भट्टाराईको स्वर रहेको गीत ‘जाउँ साइँली बेनी बजार’लाई गायक तथा संगीतकार हेमन्त ‘कान्छा’ रसाइलीले पुन रेकर्ड गराएका छन् ।

रसाइली र गायिका भट्टराईको स्वरमा यो गीत पुनः रेकर्ड भएको हो । मौलिक झ्याउरे लोकदोहोरी शैलीमा तयार गीतकको भिडियो पनि बनेको छ ।

भिडियोमा प्रकाश सपुत, अञ्जली अधिकारी, सुनिल विक र दीपा शाहीको अभिनय छ ।

भिडियोका निर्देशन सुनिल विकले गरेका हुन् । रोशन विश्वकर्माको कोरियोग्राफी र करन चैसिरको छायाङ्कन भिडियोमा छ ।

गीतको शब्द स्वर्गीय विष्ट र सपना रसाइलीले लखेका हुन् । संगीत भने स्वर्गीय विष्टकै रहेको छ । पुराना गायक तथा संकलकहरुको सम्मानमा गीतलाई पुनः रेकर्ड गरिएको गायक रसाइलीले बताए ।

सम्बन्धित समाचार

‘मिस पिंक २०२४’को उपाधि अनमोल राईलाई

धरौटीमा रिहा भए रवि ओड

मदन ढकालको नयाँ गीत ‘ख्याल ठट्टामै’ सार्वजनिक (भिडिओसहित)

वेबसिरिज ‘पञ्चायत’को तेस्रो सिजनको ट्रेलर सार्वजनिक