टेलिसिरियल ‘बाचा बन्धन’को ट्रेलर सार्वजनिक
रंग नेपाल
२०८२ जेठ २८ मा प्रकाशित
काठमाडौं । टेलिसिरियल ‘बाचा बन्धन’को ट्रेलर सार्वजनिक गरिएको छ ।
३० वर्ष पहिले र अहिले दुई पुस्ता बीचको रोचक ऐतिहासिक प्रेम कथामा बनेको टेलिसिरियल ‘बाचा बन्धन’को ट्रेलर रिलिज गरिएको छ । नियतिको बन्दी बनेको अमर अजर प्रेम ट्रेलरमा देख्न सकिन्छ ।
ओएसआर डिलिटलमार्फत सार्वजनिक गरिएको ट्रेलरमा सकम्वरी नामले चिनिएकी मोडल कुशुम शर्मा, सरिता ढुङ्गाना, प्रशान्त बुढाथोकी, हेमराज घर्ती, विशाल पहाडी, रश्मि भट्ट सुभाष गजुरेल लगायतका कलाकारलाई देख्न सकिन्छ ।
कमल बुढाथोकीको प्रस्तुति रहेको यो टेलिसिरियललाई दीपा बुढाथोकी, कमल बुढाथोकी मिलेर निर्माण गरेका हुन् । यज्ञजंग विक ९आयुष०को लेखन निर्देशन रहेको यस सिरियलमा हेमराज घर्ती कार्यकारी निर्माता रहेका छन् ।
शिव विकको छायाकंन, उमेश थापा मगरको दृश्य सम्पादन, प्रविण ढकालको कलर, रतिश भारतीको भिएफएक्स, नेत्र विष्टको निर्माण नियन्त्रण, सविन गायकको पोष्टर, आकाश मगरको गीत संगीत एरेन्ज, मुभि प्वाइन्टको पोष्ट प्रोडक्सन, लोकप्रिय गायक रामचन्द्र काफ्लेको गायन रहेको छ ।
यो टेलिसिरियल यही जेठ ३१ गते शनिबार ७ बजे ओएसआर डिजिटल युट्युबमार्फत पहिलो भाग सार्वजनिक हुने र प्रत्येक शनिबार साँझ ७ बजे नै दर्शहरूले ‘बाचा बन्धन’ हेर्न सक्ने निर्माणपक्षले जनाएको छ ।
बनिरहेका अन्य टेलिसियल भन्दा उत्कृष्ट र फरक रहेको दाबी गरिएको यो सिरियलमा अन्य कलाकारहरूमा प्रेमदेव गिरी, सविन बास्तोला, प्रिया रिजाल, आयुष विसी, यादव गिरि, प्रशान्त मगरलगायत दुई दर्जन नयाँ पुराना कलाकारहरू रहेका छन् ।
ललितपुरको छम्पी र रुकुम पूर्वीभागको लुगुम नरीबाङको रमणिय दृश्यहरूमा यो टेलिसिरियल छायाकंन गरियको छ ।
