चलचित्र ‘किस्ने कहाँ छ ?’को निर्माण घोषणा

काठमाडौं । नेपाली चलचित्र उद्योगमा पछिल्लो समय नयाँ चलचित्र निर्माणको क्रम तीव्र रूपमा बढिरहेको छ ।

लगभग दैनिक रूपमा नयाँनयाँ चलचित्रको घोषणा भइरहेका बेला निर्देशक राजेन्द्र बस्नेतको निर्देशनमा बन्ने नयाँ कमेडी जनरामा चलचित्र ‘किस्ने कहाँ छ ?’को औपचारिक घोषणा गरिएको छ ।

चलचित्रको थिम पोस्टर सार्वजनिक गर्दै चलचित्रको घोषणा गरिएको हो । थिम पोस्टरमा एउटा गाडी हिलो बाटोमा रोकिएर बाटोमा काम गर्दै गरेको मान्छेसँग कुरा गर्दै गरेको देख्न सकिन्छ ।

फिल्मको कथा, पटकथा र संवाद लेखक विनयराज पौडेलले तयार पारेका छन् । ग्रीन प्यारोट्स फिल्म प्रोडक्सनको ब्यानरमा निर्माण हुने यस चलचित्रमा हेमन्त बस्नेतको लगानी रहेको छ भने कार्यकारी निर्माता ईश्वर वल्लव उप्रेती रहेका छन् ।

निर्देशक बस्नेतका अनुसार चलचित्रको छायांकन छिट्टै सुरु हुनेछ । कलाकारहरूको टुंगो भने अझै लागिसकेको छैन, कलाकार छनोटको कार्य भइरहेको निर्माण टिमले जनाए ।

कमेडी जनरामा आधारित ‘किस्ने कहाँ छ ?’ ले नेपाली समाजको गहिरो चित्रण गर्ने अपेक्षा गरिएको छ । यो फिल्म पनि नेपाली चलचित्रले पछिल्लो समय लिएको कमेडी धारलाई अगाडि बढाउने विश्वास गरिएको छ ।

सम्बन्धित समाचार

चलचित्र ‘परिवार’को घोषणासँगै छायांकन सुरु

चर्चित तेलुगु हास्यकलाकार फिश वेंकटको निधन

‘चमेलीको पोइ’को फर्स्टलुक सार्वजनिक, प्रदर्शन मिति घोषणा

‘सुम्निमा’मा कुन्साङ अनुबन्ध