पूर्वप्रधानमन्त्री चन्दको उपन्यास ‘बदलिँदो समयचक्र’ आउँदै
रंग नेपाल
२०८२ भदौ १५ मा प्रकाशित
काठमाडौं । पूर्वप्रधानमन्त्री लोकेन्द्रबहादुर चन्दको नयाँ कृति ‘बदलिँदो समयचक्र’ सार्वजनिक हुने भएको छ । मदन पुरस्कार विजेता समेत रहेका चन्दको उपन्यास सामाजिक कथावस्तुमा रचिएको छ ।
यही भदौ २० गते विमोचनको तयारी गरिएको कृति १४४ पेजको रहेको छ भने उपन्यासलाई २५ उपशीर्षकमा बाढिएको छ । नेपाली सहित्य क्षेत्रलाई दर्जनौँ कृति दिएका चन्दको यसअघि विभिन्न कथा, नाटक, र उपन्यास संग्रह प्रकाशित भएका छन् ।
चन्दको विसर्जन कथासंग्रहले २०५४ सालमा मदन पुरस्कर प्राप्त गरेको थियो । अपराजिता, बार्हौ खेलाडी, रात्री भोज, हिउँको तन्ना, नेताको साथी जस्ता चर्चित पुस्तकहरु चन्दका प्रकाशित छन् ।
‘बदलिँदो समयचक्र’ उपन्यास सम्बर्द्धन पब्लिकेसन्सले बजारमा ल्याउन लागेको हो । पब्लिकेसन्सका राधाकृष्ण विष्टका अनुसार विमोचनको सम्पूर्ण तयारी पूरा भइसकेको छ ।
