अनुज लामाको गीत ‘टाढा नजाउ’ सार्वजनिक

काठमाडौं । अनुज लामाको स्वरमा रहेको गीत ‘टाढा नजाउ’ सार्वजनिक भएको छ ।

अनुजकै संगीत, अरुणा रुम्बाको शब्द रचना, निरोज लामाको एरेञ्ज र किशोर थापाको मिक्सिङ/माष्टरिङ रहेको गीतको भिडियो सार्वजनिक भएको हो ।

किरण चापागाईंको निर्देशन रहेको गीतको भिडियोमा पुनम लक्ष्मी मगर र पुकार चापागाईंलाई फिचरिङ गरिएको छ । पंकज महराको छायांकन रहेको गीतको भिडियोमा धिरज अधिकारीको दृश्य सम्पादन एवम् कलर रहेको छ ।

प्रेमिल गीतमा आफूले माया गरेको मान्छेलाई सधै समिपमा रहन, टाढा नजान आग्रह गरिएको छ ।

गीतको भिडियो गीतकार अरुणा रुम्बाको अफिसियल युट्यब च्यानलमार्फत सार्वजनिक गरिएको हो । अरुणा रुम्बा प्रवासमा बसेर गीत, सङ्गीतमा सक्रिय छन् । उनका दर्जनभन्दा बढी गीत श्रोता/दर्शकमाझ आएका छन् ।

सम्बन्धित समाचार

सविन श्रेष्ठको नयाँ गीत ‘मनका कुरा’ सार्वजनिक

गंगा सोनामले जितिन् नेपाल आइडल सिजन–६ को उपाधि

पूर्वप्रधानमन्त्री चन्दको उपन्यास ‘बदलिँदो समयचक्र’ आउँदै

गर्मी छल्न कोप्रे झरना