क्लबलाई थाहा नदिइ साउदी अरेबिया पुगेका लियोनेल मेस्सी परे कारबाहीमा
रंग नेपाल
२०८० वैशाख २० मा प्रकाशित
काठमाडौं । पेरिस सेन्ट जर्मेन (पीएसजी)ले अर्जेन्टिनाका फुटबल स्टार लियोनल मेस्सीलाई २ हप्ताका लागि निलम्बन गरेको छ ।
क्लबसँग अनुमति नलिइ साउदी अरेबियाको भ्रमण गरेकोमा उनी कारबाहीमा परेका हुन् । २ हप्ताको निलम्बनमा परेका उनले पीएसजीका २ वटा खेल गुमाउने छन् ।
पीएसजीसँगको सम्झौता यो सिजनपछि सकिँदै छ । सम्झौता सकिनु र मेस्सीले सम्झौता नवीकरणको प्रतीक्षा गरिरहेका बेला उनीमाथि कारबाही भएको हो ।
पोर्चुगिज स्टार क्रिष्टियानो रोनाल्डो साउदी लिग खेल्न आएपछि विश्वका शीर्ष खेलाडीहरुको ध्यान साउदी अरेबियाको लिगतर्फ तानिएको छ ।
