फिल्म ‘अर्ध पागल’को फस्टलुक पोस्टर सार्वजनिक

रंग नेपाल २०८० चैत ९ मा प्रकाशित

काठमाडौं । अभिनेता अभयराज बराल निर्देशित फिल्म ‘अर्ध पागल’को फस्टलुक पोस्टर सार्वजनिक भएको छ ।

दुई मिल्ने साथी काठमाडौंदेखि लमजुङ घले गाउँसम्मको यात्रामा निस्कदै गर्दा उनीहरु बीच आ–आफ्नो प्रेमिकालाई लिएर भएको मानसिक र शारीरिक द्वन्द्व फिल्ममा समेटिएको छ । फिल्मको पोस्टरमा पनि त्यसको झल्को दिइएको छ ।

फिल्ममा अभयराज बराल, प्रकाश भुजेल, ममता लामिछाने, सोबिता अधिकारी, हिना कोइराला, संगीता राई, दिक्षा ढकाललगायतको अभिनय छ ।

निर्देशक बरालले फिल्मलाई राष्ट्रिय र अन्तर्राष्ट्रिय फिल्म फेस्टिभलमा सहभागी गराइने बताए ।

फिल्ममा समर्पण रेग्मीको छायांकन, सौरभ ढकालको क्रियटिभ निर्देशन र कृष्ण भण्डारीको सम्पादन छ ।

धेरै पढिएका

पछिल्ला अपडेट