‘दबङ ४’ ल्याउँदै सलमान, डिसेम्बरदेखि छायांकन सुरु हुने

काठमाडौँ, २३ असार। सलमान खान आफू अभिनित चर्चित सिक्वेल फिल्म ‘दबङ’को चौथो श्रृंखला ल्याउने तयारीमा छन् । टाइम्स अफ इन्डियाका अनुसार यो फिल्मलाई तिग्मांशु धुलियाले पटकथा लेखिरहेका छन् भने उनी स्वयंले निर्देशन गर्नेछन् ।

नेपालसहित विश्वभर सलमानको दबङले राम्रो व्यापार गर्न सफल भएको थियो । पछिल्लो फिल्म अन्तिमको प्रचारप्रसारको क्रममा नै उनले ‘दबङ ४’ बनाउन लागेकोबारे उल्लेख गरेका थिए ।

आगामी डिसेम्बरदेखि यो फिल्मको छायांकन सुरु हुने जनाइएको छ । मिडिया रिपोर्ट अनुसार सलमानले नै निर्देशक धुलियालाई यो प्रोजेक्टमा ल्याउन पहल गरेका थिए ।

सलमानले धुलियालाई आदर्श व्यक्ति भएको पनि उल्लेख गरिसकेका छन् । धुलियाले दबङ सिक्वेलमा चुलबुल पाण्डे पात्रमा थ्रील र एड्भेन्चर ल्याउन सक्ने बताए । रिपोर्टका अनुसार सलमान तिग्मांशुको कामबाट खुसी छन् ।

सम्बन्धित समाचार

रिलिजअघि नै ‘पुष्पा २’ले १,००० करोड कमाउने

‘महाजात्रा’को प्रदर्शन पाँचौँ सातामा प्रवेश, कति कमायो ?

सिनेमा हलमा १०० दिनसम्म चलेको बलिउडको पहिलो फिल्म, जसको गीत अझै छ हिट

‘मनसरा’को ट्रेलर सार्वजनिक